PO.P ORIGINALS Klassískar rendur
Um POLARN O. PYRET
POLARN O. PYRET er sænskt vörumerki sem frá árinu 1976 hefur sérhæft sig í að gera góð og vönduð barnaföt. Gæði, einstök hönnun, fallegir litir og lífræn efni sem eru góð fyrir barnið og jörðina. Við leitumst við að framleiða fatnað sem endist og þolir bæði þvott og leik. Við viljum að flíkin gangi í arf og notist af að minnsta kosti þremur börnum - helst fleirum! Í dag eru 55% af öllum yfirhöfnum okkar notuð af þremur börnum eða fleirum og í framtíðinni vonumst við til að það verði enn fleiri og svo verði um öll okkar föt - því jörðin gengur í arf og það eiga fötin okkar líka að gera.
Við viljum að jörðin verði góður staður fyrir komandi kynslóðir og því fylgjum við þeirri stefnu að framleiða vottaðan, umhverfisvænan og lífrænan gæðafatnað á samfélagslega ábyrgan hátt og án illrar meðferðar á dýrum. Því er 85% af vörunum okkar framleidd úr lífrænni bómull eða endurunnum efnum þar sem framleiðsluferlið allt hefur fengið umhverfisvottanir. Við stefnum á enn hærra hlutfall. Frá 2020 er öll bómullin okkar lífræn.
POLARN O. PYRET selur fyrirbura- og ungbarnafatnað, fatnað á leikskóla og skólabörn, einnig útivistarfatnað og skó fyrir börn allt að 12 ára aldri. Stærðirnar okkar eru frá 44 - 152.